Neva eat white gaaling stew
Sargant tink e tell mi neva eat white gaaling stew
Sargant tink e tell mi neva eat white gaaling stew
Sargant pap di gaaling in two
And e tek e liva mek stew
Sargant tink e tell mi neva eat white gaaling stew.
Riva benk
A mi gaan da mi riva benk
Gaan pick mi calalu
And wen mi dinna done
Fufu di faas da mi throat
Mek we no hala y y
Mek we no hala y y
Mek we no hala y y
Fufu di faas da mi throat
(repeat)
Freetown gyal
Freetown gyal no gat no wata
fu wash dehn skin kip am clean
Freetown gyal no gat no wata
fu wash dehn skin kip am clean
(repeat)
Y Y Y, Y Y Y, Y Y Y
Policeman tek dehn gyal in charge
Policeman tek dehn gyal in charge
(repeat)
Married Man
Mi no wah yo married man
Da mi younger sista want am
Married man da trouble man
Da mi younger sista want am
(repeat)
Brown Skin Gyal
Brown skin gyal stay home and mind baby
Brown skin gyal stay home and mind baby
Am going a way, in a sailing boat
And if ah don’t come back
Throw way di damn baby
The baby fava the coolie man
Baby fava the wyca man
Woman no bada mi, man no bada mi
Caa baby no fava mi.
Sly Mangoose
Sly Mangoose, yo name gaan abroad
Sly Mangoose, yo name gaan abroad
Mangoose gaan ena Sara kitchen
Tek out one a e big fat chicken
Hide am ena e waist coat pocket
Sly Mangoose.
(repeat)
Missa Martin
Missa Martin ha wa leeeky ole dorey
Keel am bail am till e get dry
Missa Martin ha wa leeky ole dorey
Keel am bail am till e get dry
E roll, E roll E roll, E ton ova
Keel am bail am till e get dry
(repeat)
Dehn mi di wap
Any time you see dehn young gyal
coming down from Fort
coming down from Fort,
coming down from Fort
Any time you see dehn young gyal
coming down from Fort
Dehn mi di wap
paa baron Bliss grave.
Any time you see dehn young gyal
coming down from fort
Frock mash up da back,
Grass ena dehn head
An time you see dehn young gyal
coming down from fort
Dehn mi di wap
paa Baron Bliss grave.
We born dey
We born dey, We born dey,
tell dem that we born dey
We born dey, We born dey,
tell dem that we born dey
Kyan walk dey a tall
Kyan walk da mi plantation,
kyan walk dey a tall
Kyan walk da mi plantation,
kyan walk dey a tall
Ping win juuk mi masquita bite mi
Kyan walk dey a tall
Ping wing juuk mi, masquita bite mi
Kyan walk dey a tall
(repeat)
